Tamil News No.❶ Tamil News
Tamil News No.❶ Tamil News

181 Emergency Number: a call centre for women’s helpline ‘181’ is inaugurated by cm palaniswami – பெண்கள் பாதுகாப்பிற்கான “181” இலவச உதவி எண்; தொடங்கி வைத்தார் தமிழக முதல்வர்!

காவல்துறை(100), ஆம்புலன்ஸ்(108), தீயணைப்புத் துறை(101) ஆகியவற்றிற்கு அவசர உதவி எண்கள் இருக்கின்றன. இந்நிலையில் நாடு முழுவதும் ஒரே அவசர எண் ’121’ஐ மத்திய உள்துறை அமைச்சர் ராஜ்நாத் சிங் டிசம்பர் 1ல் அறிமுகம் செய்தார். இந்த திட்டம் முதல் முறையாக ஹிமாச்சல் பிரதேசத்தில் அறிமுகம் செய்யப்பட்டது.பெண்கள் பாதுகாப்பிற்கென ‘181’ என்ற இலவச சேவையை மத்திய அரசு அறிமுகப்படுத்தியது. இதனை முதல் கட்டமாக டெல்லி, குஜராத் உள்ளிட்ட மாநிலங்கள் அறிமுகப்படுத்தின.இந்த சூழலில் தமிழக முதலமைச்சர் பழனிசாமி ’181’ சேவையை காணொளி காட்சி மூலம் இன்று தொடங்கி வைத்தார். இந்த உதவி எண் மூலம் பெண்களுக்கு எதிரான குற்றங்கள், குடும்ப வன்முறை, வரதட்சணை கொடுமை, பாலியல் தொல்லை, உடல் – மனநலப் பாதிப்பு, பெண்களுக்காக அரசின் திட்டங்கள், பள்ளி, கல்லூரிகளில் வழங்கப்படும் ஸ்காலர்ஷிப் போன்ற உதவிகளை பெறலாம்.இதற்காக சென்னை அம்பத்தூரில் “அம்மா கால் சென்டர்” மையத்தில் ஒரு பகுதியில் 181 இலவச தொலைபேசி எண்ணுக்கான மையம் அமைக்கப்பட்டுள்ளது. இங்கு 5 வழக்கறிஞர்கள், 5 மன நல ஆலோசகர்கள், 1 தகவல் தொழில்நுட்ப வல்லுநர் பணியமர்த்தப்பட்டுள்ளனர்.181 மையத்துடன் தமிழகத்தின் அனைத்து காவல் நிலைய விவரங்கள், தொலைபேசி எண்கள் இணைக்கப்பட்டுள்ளன. இதனால் எந்தப் பகுதியில் உதவி தேவைப்பட்டாலும், சம்பந்தப்பட்ட காவல் நிலையத்தை எளிதில் தொடர்பு கொண்டு உதவிகள் பெற முடியும்.

 

Related posts